UncleB Post : Why Always Us?

Mak guwa telefon dari kampung, cerita pasal salah seorang murid dia yang nak kena pindah sekolah. Sebab bapak dia orang gomen, tapi main politik kuat sangat, terus kena transfer pergi Gua Musang. Sangat la sh*t bila dengar cerita tu. Politik yang politahik.

Guwa bosan, guwa pon berkarya, pasal kelantan. Politik dalam office, kelantan version. Sebab guwa ore kelate, GKG!!

Why Always Us?


Bakpo sokmo kito?
kawe pon tok pehe
dengan karenah pihak keraja'e
sek dio tubuhkan Jabatan Pembangunan Persekutue
yang telah mewujudkan dualisme dale pentadbire
ibarat duo ore penghulu dale satu jajahe
tapi bendo ni hanya ado kat kelate


Bakpo sokmo kito?
Kemudahan bajo subsidi untuk bertani
sudah tidak diberi kepada golongan petani
tapi
kalu petani tu sokong keraja'e, subsidi bajo keraja'e akan bui
inilah yang dinamakan kroni


Bakpo sokmo kito?
minyok bawah laut kito hari-hari disedut ore
tapi, royalti minyak kelate sering dinafike
sampai hari ni keraja'e kelate
tubik masuk court, lawe pihak kerajaan persekutue
tapi, sapa sudoh takdop kesudahe


Bakpo sokmo kito?
Pengambilan peneroka untuk duduk kat Felda dihentike
kijo Keraja'e persekutuan hanya nak ambik keuntunge
dari peneroka felda hok hari-hari membanting tule
nak cari sesuap nasi, nak bui anok bini make.


Bakpo sokmo kito?
Ni kisoh Majlis Sukan Kelate
Masih lagi dianaktirike
sejak naiknya bola kelate
mesti ado banyok kad kuning atau kad meroh nya bui kokre
paling koman, dale semusim mesti ado hok keno gantung perlawane
sapa ko pengerusi KAFA pon kena gantung 30 bule.

Bakpo sokmo kito?
Bakpo kelate pelik sokmo?
Kelate ni negeri derhako ko?
Kelate ni banyak lahirkan penjenayah ko?
Kelate ni takdop hasil bumi ko?


Para pemimpin Malaysia, tulong lah
sek demo nok main politik, maen lah
nok bergomo sek demo, bergomo lah
tapi, jange la sapa ko rakyat-rakyat kelate hok kena tempiah
Sek demo bergocoh bowoh teduh, ore kelate hok keno panah...


Ore-ore hok duduk atah nu, sek demo keno beringat
sek demo pege jawate besar, tu sebenarnyo amanat
ado keto besar, ado rumoh besar, tu semuanya duit rakyat
amanat nak jaga keharmonian sejagat
buke guno kuaso, buleh pitih lepas tu lesap.


Ambo nok tanyo sekali lagi ko ore besar atas sano..
Bakpo sokmo kelate hok keno?

epic banner ever!!